البصمة السودانية !

زائر

السلام عليكم ورحمة الله وبركاته

كلنا عارفين انو السودانيين من اوائل الجنيسات الاغتربت ولو سالوني

بقول هم الاخترعو الاغتراب وده من طول الفترة من زمااااااااااااااان

وهم مغتربين ده ما الموضوع الشي اللفت انتباهي هو وين الاثر الخلاهو

السوداني في بلاد الغربة بعد السنين دي كلها

الشي الطبيعي انو اي زول يمشي مكان بخلي اثر اوبصمة تدل عليهو

من خلال اختلاطو بجنسيات اخرى وين البصمة السودانية في:

اللغة الملاحظ انو اي زول تتكلم معاهو بيرد عليك بلهجتو الاصلية اما

السوداني يلوي لسانو ويتكلم كل لغات العلم

اللبس كل الناس جو بلبس بلدم ومازالو محافظين عليهو تعالو شوفو نحن

مرة عباية خليجية ومرة مصرية ومرة لبس زلمات وشي بناطلين وغيرو

اما العجيب فهو الاكل كل العالم نقلو اكلاتم الشعبية لدرجة انو فتحو

محلات متخصصة تلقى الكشري والفطير المشلتت الاكلات والفطاير

الشامية البرياني بانواعه اما ناس عصيدة ومفروك وقراصة ديل

مافي سيرة ليهم ولافي زول بعرفن

بالجد دايرة اعرف السبب حاجاتنا مابتستاهل ولاماسمحة

العيب فينا ولافي غيرنا الرافض لاي شي سوداني

السؤال:لماذا نتأثر ولانؤثر

زائر

السؤال : لماذا نتأثر ولانؤثر ؟؟

يمكن يكون انو السودان زي ما يقولا من بلاد العالم الثالث (( وللاسف دا مفوهوم بعض الناس )) وممكن يقوا برضوا انو السودان بلد ضعيف ما ممكن يؤثر في اي بلد كان (( وطبعا دا مفهوم غلط غلط جدا )) ..

واخي العزيز تقبل مروري وانشاء الله اكون خفيف

المدير العام تاريخ التسجيل : 24/04/2008 العمر : 31

sniper كتب:: السؤال : لماذا نتأثر ولانؤثر ؟؟

يمكن يكون انو السودان زي ما يقولا من بلاد العالم الثالث (( وللاسف دا مفوهوم بعض الناس )) وممكن يقوا برضوا انو السودان بلد ضعيف ما ممكن يؤثر في اي بلد كان (( وطبعا دا مفهوم غلط غلط جدا )) ..

واخي العزيز تقبل مروري وانشاء الله اكون خفيف

ممكن والله اخوي الكريم ..

زائر

ممكن اتفق معاك يا اخ sniper