نكات جامدة هههههههههههه

تاريخ التسجيل : 26/05/2008 العمر : 30

ولد مشى لى سيد الدكان .. و قال ليه:" عندك
"حلاوة؟
"..سيد الدكان قال ليه:" أيوة
! "الولد قال ليه طيب أدينا ببسى
الولد مشى و جاء راجع تانى ..و قال ليه :" عندك
"طحنية ؟
".. قال ليه:" أيوة فى
! "الولد قال ليه:" طيب أدينا سكر
سيد الدكان زعل و مشى كلم أبو الولد
و قال ليه:" ولدك دة عذبنا.. يسأل من حاجة و
".. يقول داير حاجة تانية
أبو الولد زعل و قال ليه:" دة ولد قليل أدب
"و لازم يتجلد .. عندك بسطونة ؟
".. سيد الدكان قال ليه:" أيوة موجودة
"أبو الولد قال ليه:" طيب أدينا سوط عنج
--------------------------------- قال ليك واحد مسطول زار ناس كدة و قاعد يسأل فى بتهم الصغيرة اسمك منو ياشاطرة قالت ليهو : أسماء
قال ليها يعنى مافى اسم محدد _ _ ------------------------- واحد مسطول بيسقى في شجرة حنة قدام بيتم
جا واحد سالو " دى حنة يا معلم"
قال ليهو " لا دخلة"

قال ليك واحد تكاسى راكبة معاهو بنت كل ما بطنو تكركب يروح ضارب البورى شديد
الحكاية دى كررها ليك عدة مرات و فجاة كدة جات غنماية قاطعة الشارع البنت قالت ليهو : موش الغنماية دي
اصدمها بس عليك الله بوريك العفن دا تانى ماتضربو

قالو في
رباطابى راكب جمل
جات حنكوشة سالتو" عمو جملك ده بضرب ؟؟"
قال ليها " لا بعمل مس كول بس

سمسار مشا يخطب ... اهل البت قالو ليهو دايرين 4 مليون
قال ليهم لقيت واحد بى مليون و حامل!!!!

في مدرّس نقلوهو جهة الرباطاب ومن أول يوم في المدرسة
لاحظ هنالك حمار في الشارع يتاوق بشباك الفصل ويدعك جسمه
ويمشي ، كل يوم كده قام الأستاذ قال للطلاب : الحمار دا عندو
ود عم هنا ولا شنو؟؟ قام طالب من أولاد الرباطاب قال ليهو : يا أستاذ
الحمار دا بيجي في حصّتك بس !!!!!!!!!!!!!!!!!!

واحدة دنقلاوية سألوها : الدهشة معناها شنو؟
قالت : بسم الله دي ما ياهو ولد الهُمار !!!ا

مسطول مشوكش ....سألوه عن أجمل بيت شعر شنو؟؟
قال : كلّما نربِّي كتكوت.....يكبر يفوت

مسطول سألوه عن الفرق بين الشهد والشهيد؟
قال : الإتنين بيتلحْســــو !!!ا

مسطول وقع في حفرة ...حاول يطلع ثلاثة مرات بلا فايدة
فقال : دي آخر مرة ، لو ما طلعتَ حَ أمشي !!!ا

زول محشش قالوا ليهو: الحشيش يؤدي إلى الموت البطئ
قال : أنا زاتي ما مستعجل !!!!!!ا

حفصة عروس قاعدة في الكوشة جنب عريسها
قالوا ليها : قومي أرقصي..فقالت : أبكر
أليك الله اهجز الكرسي دا !!!!ا

رباطابي مرتو قالت ليهو : دايرة قميص نوم
فقال ليها : اللابساهو دا مالو...مساهر بيك ؟؟

جعلي أول مرة ياكل لبانة....حلف بالطلاق
ما ينوم إلاّ يكمّلا !!!!ا

صعيدي عندو أرق...قالوا ليهو: عِد لحدي مية
عدّ لغاية عشرين نِعس...مشى غسّل وشو وواصل يعِد

حلفاوى على حافة الموت
وصى زوجته قال ليها لما اموت لازم تتزوجى جارنا محمد صالح
سالته ليه محمد صالح بالذات
قال ليها لانه زمان غشانى وباع لى راديو بايظ عاوز اغشه

واحد رباطابي قال لي بنت ولدو : يا بت جيبي لي موية
عمك شايف الكبابية فوق الزير ، والبنت تدخل وتخرج قام
قاليها يا بت الموية وين ؟؟ فقالت ليهو : يا جِدّو ما لاقية
الكباية عمّك قال ليها : يا بت الكباية ياها دي فوق الزير
البنت قالت : يا جدوا الكباية دي ما فيها يد ، عمّك الرباطابي
قال ليها : أنا أصلي داير أسلّم عليها !!!

رباطابى وشايقى سكاهم مرفعين وقاموا جاريين والمرفعين وراهم وبعد مسافة قام الشايقى قال للرباطابى
ياخوى ما تشوف ليك تراب تكشح المرفعين دة قام الرباطابى قال ليه- وانت جارى فى برش ؟

في اثنين مساطيل اتلاقوا لاول مره في بيت واحد صاحبهم مروق عندو غرفه مكندشه واحد منهم شعر بالبرد و قال لصاحبه انا بردان فرد ليهو اخونا على الفور وانا عصام من ام دوم

في واحد وصل للخرطوم لاول مره في حياتو يجي للمدينه و المعروف إنهم هناك في البلد ناس بحبو يسلموا للناس بيدنهم و بعدين صاحبكم الجماعه قاموا ساقوه للاستاد علشان يحضر هلال مريخ و من ما دخل الاستاد بدأ صاحبنا في السلام على الجمهور بيده واحد واحد لغاية ما المباراة انتهت كان لسه في السلام

في واحد سوداني لاحظ ليك واحد صومالي معاهم في معسكر اللاجئين في هولنده الصومالي صاحبنا يوميا بيجي شايل جركانتين كبار بيقوم بيملاهم لبن وبياخدهم معاه للغرفه السوداني قام عاين ليهو و قال والله المفروض الهولنديين ديل يسلموا الصومالي ده بقره و بطانيه و يفكوهو

في ملكي شخصيته ضعيفه حاول مليون مره يكون شخصيه كارزميه ما قدر فراح دخل الجيش برضو فشل في الآخر مشى عمل ليهو سبيل بتاع مويه قدام بيتهم وخت فيهم زيرين و كوز مويه واحده مربوطه بسلك وبيقوم يملاهم بالمويه ويقيف جنبهم نص النهار بعد ما الشمس تسخن وأول ما يجي واحد عطشان يكون عاوز يشرب يقوم يقول ليهو كما كنت يا ملكي اشرب من الزير التاني

ماتنسو الردود

زائر

ههههههههههههههههههههههههههههههههههههههاي

المدير العام تاريخ التسجيل : 24/04/2008 العمر : 31

زائر

حلوه والله يديك العافيه اخي الكريم